Skip to content

القرد بعين امه غزال

January 19, 2012

القرد بعين إمو غزال. هيدا مثل بينطبق على الكثير من “الزعمة” و ذوي المناصب العالية اجمالاً بلبنان.
مع اعتذاري الشديد لفصيلة القرود المتكاثرة بين الأشجار والوديان في مساكنها الطبيعية في افريقيا و شرق آسيا وجنوب افريقيا وغيرها من الآماكن التي تتواجد فيها القرود بطبيعة الحال.
بس القرد اللبناني غير شكل. هو قرد. بس غير شكل. عندوا عيون، فم، انف، اذنين، اجرين، ايدين، و ذيل … بس شي غير شكل. القرد اللبناني آية من الذكاء والدهاء والكاريزما والدبلومسية، مع إنو مش مخلص دراستو وما بيفهم بالقردنة أكتر من ما علمتوا الماما.
القرد اللبناني هو الزعيم السياسي أو الطائفي يلي كيف ما عطس معو حق، حتى لو عطس على أتباعوا وشتى عليون.

خذوا مثل. بيطلع قردنا العزيز تيخطب بأتباعوا وشعبوا العظيم، بيطلع ما بيعرف يقرأ منيح…
“بسيطة ولوا شو ما صيرا معكن ولا مرا!” “يا حياتي ما اهضموا” “شو بحبوا يعلقوا العالم، ما بِأثر عليكن شي، تأتأ الزلمي!” “ما هو بعدوا طفل بالسياسي شو على كل نفس بدنا نحاسبوا… نطروا علي شوي ليقوى عضموا”

قرد عزيز
قرد عزيز ©owenbooth

خذوا مثل تاني. بيطلع قردنا العزيز (هيدا غير الأولِني) بحماس الخطاب والعنفوان بيتوعد دعم اخوانوا القرود الحمر على القارة المجاورة بكل العتاد والعداد من راجمات الموز وارواح المقاتلين.
“معوا حق! شو بيسكت عن كلمة الحق” “اكيد، نحن فدى اخوانا” *زقيف وهتاف حاد*
ما بيعرف ولا بيعرفوا انوا هيدا الهتاف أدى الى مصادرة املاك وابواب رزق الكثير من القرود في تلك القارة بعد اجتماع المجلس الأعلاى القردي واتخاذ قرار بالرد على الخطاب بشكل غير مباشر. بس مش مشكلة هو عندوا بعد نظر و تكتيك مدروس لأخر تكة. اصلاً اصلاً هو معوا حق! ما في شك بالموضوع اصلاً.

بدكن مثل ثالث ولا وصلت الموزة يلي عم حاول وصلكن ياها؟

القرد اللبناني عجيبة. والله عجيبة. أموا وجارتوا وخالتوا وعمتوا وستوا وسليلتوا (و نظراً لحجم لبنان، بيطلعوا شي نص البلد) كلن شيفينوا غزال.

بس الحكي ما بينفع ولا النقاش ولا دخول سنة ال2012 ولا تغير المحاور التحالفية التقدمية التعاونية الرأسمالية الشيوعية بالقارات والمجرات. لأنوا لو شو ما حكيت بيضل القرد بعين اموا غزال و بيكبر و بصير غوريلا، بس مهضوم، ظلوا خفيف وديماً معوا حق: غزال … يقبرني.

Advertisements
2 Comments leave one →
  1. January 20, 2012 12:20 pm

    so sad…so true…

  2. January 20, 2012 12:27 pm

    haha amazing!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: